"166 nömrəli marşrut xəttində avtobusların yenilənməsi məqsədi ilə daşıyıcı şirkətin müəyyənləşdirilməsi üçün müsabiqə elan edilib".
Bu məlumat Oxu.Az -ın sorğusuna cavab olaraq Azərbaycan Yerüstü Nəqliyyat Agentliyindən (AYNA) verilib.
Bildirilib ki, marşrutun hazırkı daşıyıcısına xətt üzrə nizamlı fəaliyyətin təmin edilməsi və avtobusların saz vəziyyətdə saxlanılması ilə bağlı tapşırıq verilib.
"Sərnişinlərin şikayətinə səbəb olan avtobus xətdən kənarlaşdırılıb, daşıyıcı tərəfindən aşkar olunan nöqsan aradan qaldırılıb", - deyə məlumatda bildirilir.
Xatırladaq ki, 166 nömrəli marşrut xətti üzrə hərəkət edən avtobusun texniki və sanitar vəziyyətinin qənaətbəxş olmadığı, yağışlı havada salonuna su axdığı barədə məlumat vermişdik. Bu vəziyyət sərnişinlərin narazılığına səbəb olmuşdu.
