Bakının Yasamal rayonu ərazisində “Sovetski” kimi tanınan ərazidəki sökülən evlərin sahiblərinə kompensasiya verilməsini müəyyən edən və bu işlərə nəzarət edən icra hakiminin müavini Səməd İslamovun vəziyyəti ötən gün pisləşib.
Oxu.Az ANS PRESS-ə istinadən xəbər verir ki, Yasamal rayon İcra Hakimiyyətindən verilən məlumata görə, qəfil halı pisləşən S.İslamov dərhal Kliniki Tibbi Mərkəzə yerləşdirilib.
Hazırda xəstəxananın kordiologiya şöbəsində müalicə alan Səməd İslamovun vəziyyəti stabildir. Şöbədən verilən məlumata görə, hazırda xəstə həkim nəzarəti altındadır. Həkimlər ona həyəcanlanmağı məsləhət bilmirlər.
İcra Hakimiyyətindən hələlik Səməd İslamovun vəzifəsinin kim tərəfindən icra olunması barədə məlumat olmadığı bildirilib.
