Bu gün Şuşa şəhərində "Şuşa - İqtisadi Əməkdaşlıq Təşkilatının (İƏT) 2026-cı il üzrə turizm paytaxtı" tədbirinin bağlanış mərasimi keçirilib.
Oxu.Az xəbər verir ki, tədbirdə Azərbaycan, Türkiyə, İran, Qazaxıstan, Qırğızıstan, Tacikistan, Pakistan və Türkmənistanın nümayəndə heyətləri iştirak ediblər.
Bağlanış mərasimi çərçivəsində İƏT-ə üzv dövlətlərin nümayəndə heyətlərinin iştirakı ilə turizm sərgisi təşkil olunub. Sərgidə hər bir ölkə öz stendi ilə təmsil olunaraq turizm potensialını, mədəni irsini və turizm imkanlarını nümayiş etdirib.
Bununla yanaşı, tədbirlər planı çərçivəsində cari il ərzində Şuşada keçirilmiş tədbirlərə dair hesabat xarakterli təqdimat nümayiş olunub.
Qeyd edək ki, bağlanış mərasimində Şuşanın 2026-cı il üzrə "İƏT-in turizm paytaxtı" statusunun başa çatması ilə əlaqədar bu titul 2027-ci il üçün Pakistan İslam Respublikasının Lahor şəhərinə təhvil verilib.
Mərasim mədəniyyət və konsert proqramı ilə yekunlaşıb.