“Koronavirusla mübarizəni şərti olaraq iki mərhələyə ayırmışıq. Birinci yoluxma hallarının aşkarlanması və məhdudiyyətlərin tətbiq edilməsi mərhələsi idi”.
Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı bildirib.
Onun sözlərinə görə, Azərbaycanda birinci mərhələ ilk təsdiq edilmiş halla başladı ki, bu, fevral ayının 26-da olub:
“Hazırda koronavirusla mübarizənin ikinci mərhələsindəyik. Bu dövrdə məhdudiyyət tədricən aradan qaldırılır, buna da aprel ayının 27-dən başlanılıb. Yumşalmanın birinci dövründə yoluxma halları artıb və buna uyğun əks-epidemik tədbirlər görülüb”.
İlhamə Əbülfət