Tiktoker İlhamə Elşadqızı məhkəmədə ifadə verib

Sosial şəbəkələrdə özünü şairə kimi təqdim edən İlhamə Əskərovanın (Elşadqızı) cinayət işi üzrə məhkəmə hazırlıq iclası keçirilib.

Oxu.Az-ın məlumatına görə, Bakı Ağır Cinayətlər Məhkəməsinin hakimi Anar Sadıxovun sədrliyi ilə keçirilən prosesdə təqsirləndirilənin anket məlumatları dəqiqləşdirilib.

Onun barəsində seçilmiş həbs qətimkan tədbirinin dəyişdirilmədən cinayət isinin məhkəmə istintaqına verilməsi ilə bağlı qərar qəbul edilib.

Daha sonra prokuror ittiham nitqi ilə çıxış edərək təqsirləndirilənə ittiham aktını elan edib.

İlhamə Əskərova özünü təqsirli bilməyib.

Təqsirləndirilənə sərbəst ifadə üçün söz verilib.

Xatırladaq ki, İlhamə Əskərovaya qarşı Cinayət Məcəlləsinin 234.1-1 (Satış məqsədi olmadan külli miqdarda qanunsuz narkotik vasitələr və ya psixotrop maddələri saxlama və ya daşıma) maddəsi üzrə ittiham irəli sürülüb.

Qeyd edək ki, "TikTok" əməliyyatları çərçivəsində aparıcı Azər Zahid, Abdullayev Emin və Rəşad qardaşları və digərləri saxlanılıblar. Onların barəsində həbs qərarı çıxarılıb.

İlhamə Elşadqızı aparıcı Azər Zahid tərəfindən tiktokerlərin iştirakı ilə təşkil olunan yarışlarda iştirakçı olub.

Tiktoker İlhamə Elşadqızı məhkəmədə ifadə verib

Elgün Həsənli