Türkiyənin zəlzələ baş verən bölgələrinə Azərbaycandan göndərilən təsirli məktublar - FOTO

Türkiyədə fevralın 6-da baş verən iki böyük zəlzələdən sonra Azərbaycandan Kahramanmaraşa göndərilən yardım qutularından çıxan məktublarda emosional mesajlar diqqət çəkir.

Kazarmanın girişindəki divara və şüşəyə asılmış qeyd və məktublarda “Yanındayıq Türkiyə, başın sağ olsun, Türkiyə, Türkiyə qan qardaşımızdır, canımız bir, qanımız bir, taleyimiz bir Türkiyəm” kimi ifadələr yer alır.

Yardım qutularının içərisində kağıza çəkilmiş çoxlu sayda Türkiyə və Azərbaycan bayraqları da tapılıb.

Türkiyənin Ailə və Sosial Xidmətlər Nazirliyinin Sosial Yardım Baş İdarəsinin Monitorinq, Qiymətləndirmə və Fəaliyyət şöbəsinin müdiri Umut Kaya bildirib ki, müxtəlif mesajlar da yazılıb və biz bu mesajların bir çoxunu Milli Təhsillə inteqrasiya olunmuş şəkildə uşaqlarımıza çatdırdıq:

“Buraya hər dəfə yenilərini yerləşdiririk. Bir müddət sərgiləndikdən sonra çatdırılmasını təmin edəcəyik”.

Mənbə: Anadolu