"Artıq bütün həcc əməlləri başa çatıb və zəvvarlar Minadakı çadır düşərgəsindən hotellərinə qayıdıblar".
Bu barədə Oxu.Az-a Qafqaz Müsəlmanları İdarəsinin (QMİ) Xarici əlaqələr şöbəsinin müdiri, Həcc elektron sisteminin rəhbəri Vüsal Cahangiri məlumat verib.
QMİ rəsmisinin sözlərinə görə, zəvvarlar bundan sonra Məkkəyə gəldikləri ardıcıllıqla Mədinəyə yola salınacaqlar:
"Hamısının səhhəti yaxşıdır, indi hotel otaqlarında dincəlirlər, gündəlik ibadətlərini yerinə yetirirlər. Bir neçə gündən sonra ilk qruplar peyğəmbərin şəhəri sayılan Mədinəyə yola salınacaqlar. Mədinədə 3 gün keçirdikdən sonra isə onlar Bakıya qayıdacaqlar".
Qeyd edək ki, Azərbaycandan həcc ziyarətinə səfər mayın 25-dən başlayıb. Ümumilikdə 1 250 azərbaycanlı zəvvar təyyarələrlə mayın 31-dək Məkkəyə çatdırılıb. Həcc ziyarətinin başa çatmasından sonra zəvvarlar təyyarə reysləri ilə iyunun 21-dək Vətənə qayıdacaqlar.
Rəhim Əliyev
