Xarici İşlər Nazirliyinin (XİN) Naxçıvan Muxtar Respublikasındakı İdarəsinin ləğv edilməsi ilə bağlı məsələyə aydınlıq gətirilib.
Bu barədə Oxu.Az-a danışan Azərbaycan Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə bildirib ki, sözügedən idarə Nazirliyin Aparatına daxil edilib:
"Məlum olduğu kimi, Azərbaycan Respublikası Prezidentinin 5 may 2025-ci il tarixli 383 nömrəli Fərmanı ilə Azərbaycan Respublikasının Xarici İşlər Nazirliyi haqqında yeni Əsasnamə və XİN-in yeni strukturu təsdiq olunub.
Təsdiq edilmiş struktura əsasən, XİN-in Naxçıvan Muxtar Respublikasındakı idarəsi Nazirliyin Aparatına daxil edilib.
Beləliklə, XİN-in Naxçıvan Muxtar Respublikasında İdarəsi ləğv edilməyib, sadəcə digər idarələr kimi Nazirliyin Aparatının struktur bölməsi kimi müəyyən edilib", - deyə o qeyd edib.
