Təhlükəsizlik tədbirləri ilə əlaqədar olaraq, Xırdalan şəhər 9 nömrəli tam orta məktəbdə tədris dayandırılıb.
Bu barədə Oxu.Az-a Abşeron Rayon Təhsil Şöbəsindən bildirilib.
“Fövqəladə Hallar Nazirliyinin müvafiq rəyinə əsasən dərslərin başlama tarixi barədə qərar veriləcək. Buraxılmış proqram materiallarının tədrisi isə əlavə dərs saatları və onlayn dərslər hesabına təmin ediləcək”, - deyə qeyd edilib.
12:08
“Xırdalan şəhərində güclü küləyin törətdiyi fəsad zamanı xəsarət alan olmayıb”.
Bu barədə Oxu.Az-a Abşeron Rayon Təhsil Şöbəsindən bildirilib.
Şöbədən qeyd edilib ki, əsən güclü külək nəticəsində Xırdalan şəhər 9 nömrəli tam orta məktəbin dam örtüyünün bir hissəsi uçub:
“Hadisə nəticəsində xəsarət alan olmayıb. Vəziyyətlə bağlı məktəbdə dərhal ilkin təhlükəsizlik tədbirləri həyata keçirilib, aidiyyəti qurumlara məlumat təqdim olunub. Ən qısa zamanda dam örtüyünün bərpa işlərinə başlanacaq”.
View this post on Instagram11:44
Abşeron rayonu, Xırdalan şəhərində güclü külək fəsad törədib.
Oxu.Az-ın məlumatına görə, külək nəticəsində Xırdalan 9 nömrəli tam orta məktəbin damı uçub.
Qeyd edək ki, Milli Hidrometeorologiya Xidmətinin yaydığı məlumata görə, bu gün Bakıda və Abşeron yarımadasında şimal-qərb küləyinin 18-23 m/s, arabir 27-32 m/s, günün birinci yarısında bəzi ərazilərdə arabir 35-38 m/s-dək güclənəcəyi, rayonlarında isə şimal-qərb küləyinin 15-20 m/s, arabir 25-30 m/s, bəzi Kür vadisi rayonlarında arabir 35-38 m/s-dək güclənəcəyi gözlənilir.
İlhamə Əbülfət
"Abşeron" teqi üzrə xəbərlər
Ən çox oxunanlarDigər xəbərlər
Rəylər