Hacıqabul rayonunda ağır yol qəzası baş verib.
Oxu.Az ANS PRESS-ə istinadən xəbər verir ki, ağır yol nəqliyyat hadisəsi Bakı-Qazax yolunun 156-cı km-də, Hacıqabulun Padar kəndi ərazisində qeydə alınıb.
Kürdəmirə doğru hərəkətdə olan "Mitsubishi" markalı avtomobil yoldan çıxaraq bir neçə dəfə çevrilib.
Tamamilə yararsız hala düşən avtomobildə sürücü 21 yaşlı paytaxt sakini Əlili Özal faciəvi şəkildə dünyasını dəyişib.
Dəhşətli hadisəyə yüksək sürətin səbəb olduğu bildirilir. Aparılacaq avtotexniki ekspertiza isə hadisənin daha dəqiq səbəblərini öyrənməyə imkan verəcək.
Qeyd edək ki, Özal Facebook-dakı şəxsi profilində yazdığı son statusunda Ucara yola düşdüyünü yazmışdı. Dostlarının bildirdiyinə görə, gənc noyabrın 1-də doğum gününü qeyd etməyə hazırlaşırmış.
