Zaur Əliyevdən koronavirusa yoluxmaların müəyyənləşdirilməsi ilə bağlı AÇIQLAMA

“Koronavirusa yoluxmaların müəyyənləşdirilməsi üçün analizlərin qəbulu məntəqələri tam avtomatlaşdırılıb”.

Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib.

Onun sözlərinə görə, bu gün beş min müayinə materialı məntəqələrdən götürülüb və qısa zamanda nəticələr bəlli olub:

“Hazırda Azərbaycanda gündəlik koronavirusa yoluxma halları baş verir. Xüsusi xəstəxanalarda aktiv koronavirus xəstələrinin müalicəsi davam etdirilir”.

O qeyd edib ki, xüsusi karantin rejiminin tətbiq olunması nəticəsində Azəbaycanda virusa yoluxmanın nəzarət altına götürülməsinə nail olunub.

İlhamə Əbülfət