“Gənclik” TM-də yerləşən “CineMastercard” premium kinoteatrında “Çingene kızı Zeugma” Türkiyə komediyasının qala gecəsi baş tutub.
Tədbirdə filmin prodüseri İbrahim Akbaba, rejissoru Kamil Çetin və rolları canlandıran aktyorlar - İnan Ulaş Torun, Aysel Nazim, Orhan Aydın, Didem Taslan, Hakan Bulut, Nikolas Feysi və Bekir Aslantaş iştirak ediblər.
Türkiyəli qonaqlar media nümayəndələrinin suallarını cavablandırıb, qırmızı xalıdan keçib və pərəstişkarlarla şəkil çəkdiriblər.
Film haqqında qısa məlumat: Hamı həyəcanla Amerikadan Qaziantep Zeuqma muzeyinə gətirilən “Qaraçı qız” mozaikasını gözləyir. Muzey müdiri Esra və mühafizəçi Zekidən də həyəcanlı insanlar var: Barbaros və adamları... Mozaika birdən yoxa çıxanda hamı bir-birindən şübhələnməyə başlayır. Bəs mozaikanı kim oğurlayıb?
Tədbirin təşkilində “Cinema Distribution”, foto və videoçəkilişdə “Light in Black” kreativ şirkəti dəstək göstəriblər.
“CineMastercard” hər zaman sizə xoş sürprizlər etmək və kino dünyasında olan ən son premyeralarla sevindirməyə hazırdır.
“CineMastercard”da “Çingene kızı Zeugma” filminin qala gecəsi baş tutub - FOTO/VİDEO
Rəylər