Azərbaycanlı avtobloqer "Zeekr 9X" avtomobilini test edib.
Tanınmış avtobloqer Əflatun Əfəndiyev sentyabrın 23-də rəsmi distribütor "Zeekr Azərbaycan"ın dəvəti ilə Çinin Lijiang şəhərində ən yeni "Zeekr 9X" modelini sınaqdan keçirib.
Ümumilikdə 400 km məsafəni əhatə edən Lijiang-Dali-Lijiang marşrutunda avtomobil həm dağlıq və yolsuzluq şəraitində, həm də şəhər yollarında sınanıb. Əflatun Əfəndiyev test zamanı avtomobilin gücü, idarəetməsi və salon komfortu barədə ilk təəssüratını bölüşüb.
"Zeekr 9X" - gücü 1 400 at qüvvəsi olan premium "plug-in" hibrid SUV modelidir. Avtomobil həm performansı, həm də təhlükəsizlik və komfort imkanları ilə diqqət çəkir.
Qeyd edək ki, "Zeekr 9X" yalnız Azərbaycandakı rəsmi satış mərkəzindən əldə edilə bilər və ön sifarişlər artıq qəbul olunur.
