"Omid" mağazalar şəbəkəsi 50-ci mağazasını istifadəyə verdi

Azərbaycanda inşaat məhsulları üzrə ən böyük satış şəbəkəsi kimi tanınan "Omid" növbəti nailiyyətini, 50-ci mağazasının açılışını qeyd edib. 21.12.2024-cü il tarixində Bakı şəhəri, Badamdar qəsəbəsi, Badamdar şosesi, 1128 ünvanında yeni satış mərkəzini istifadəyə verib. Bu, şirkətin Badamdar qəsəbəsində sayca 2-ci, ümumilikdə isə 50-ci mağazasıdır.

"Omid" Mağazalar Şəbəkəsi yeni mağazasında müştərilərə daha geniş məhsul çeşidi, eksklüziv endirim və kampaniyalar, peşəkar müştəri xidməti, rahat alış-veriş təcrübəsi təklif edir. Mağazada boya, yapışdırıcı, plastik boru və fitinqlər, gips, alçı, o cümlədən məşhur markalara məxsus istilik sistemləri, divar kağızları, çilçıraqlar, müxtəlif növdə elektrik, məişət malları, ev aksesuarları, ən müasir usta alətləri, soyuducular, paltaryuyan, qabyuyan və s. məhsulları münasib qiymətə əldə edə bilərsiniz. Məhsulları həm həm nağd, həm də hissəli ödənişlə almaq mümkündür. Həmçinin "Omid" bonus kart mobil tətbiqi vasitəsilə etdikləri alış-verişlərdən bonuslar toplayaraq qazanacaqlar. Mağaza hər gün saat 09:00-dan 20:00-dək fəaliyyət göstərəcək.

Qeyd edək ki, "Omid" Mağazalar Şəbəkəsi 30 ildən çoxdur ki, fəaliyyət göstərir. Şirkət keyfiyyətli məhsul, sərfəli təklif, uyğun qiymət anlayışı ilə müştəriyönümlü xidmətini günbəgün inkişaf etdirməkdədir.

"Omid" Mağazalar Şəbəkəsi qədəm qoyduğu yeni mərhələnin sevincini bölüşmək, həmçinin xidmətlərdən faydalanmaq istəyən hər kəsi mağazalarına dəvət edir.