Qarabağ Universitetində "Aztech" otağı quruldu və oyun turniri keçirildi

"Aztech" şirkəti Qarabağ Universitetinin Dizayn və Tətbiqi Sənət Kafedrasına yüksək qrafik göstəriciləri olan 15 ədəd kompüter dəstini hədiyyə edərək, universitetdə "Aztech" otağını təsis edib. Kompüterlər dizayner, memar, yaradıcılıq işləri ilə məşğul olan, eləcə də kiberidmana həvəsi olan tələbələrin istifadəsi üçün nəzərdə tutulub. Tədbirin rəsmi hissəsində universitetin rektoru Şahin Bayramov çıxış edərək, şirkətin rəhbərliyinə bu təşəbbüsə görə universitet adından öz təşəkkürünü bildirib.

Qürurverici haldır ki, Qarabağda tarixən mövcud olmuş təhsil ənənələrini yaşadan Qarabağ Universitetində tədrisə bu ilin sentyabr ayından başlanılıb. "Aztech" şirkəti tərəfindən Qarabağda ilk oyun turniri də məhz Xankəndidə, Qarabağ Universitetində keçirildi. Universitet tələbələri arasından seçilən 4 güclü komanda arasında "Valorant" və "Counter Strike 2" oyunları üzrə yarış təşkil olundu. Final mərhələsində "Şuşa" komandası qalib oldu, qaliblərə "Aztech" tərəfindən kubok və medallar, eləcə də hədiyyələr təqdim olunub.

Qeyd etmək istəyirik ki, işğaldan azad olunmuş torpaqlarda bu "Aztech" şirkətinin sosial məsuliyyətyönümlü ilk layihəsi deyil, bundan öncə də 2023-cü ilin noyabr ayında Laçının 2 saylı orta məktəbinə 30 notbuk hədiyyə edilib. Elə həmin ilin dekabr ayında isə Laçında, "LaCinema" kino mərkəzində Qarabağda ilk texnoloji təqdimat keçirilib və məktəblilər üçün oyun festivalı təşkil edilib.

"Aztech" şirkəti 26 ildir ki, uğurla fəaliyyət göstərərək, kompüter və bank avadanlığı üzrə əsas distribütorlardan biridir. "ASUS", "Lenovo", MSI, "Entrust", "Thales" kimi şirkətlərin rəsmi tərəfdaşıdır.

Daha ətraflı məlumat üçün: https://aztechshop.az/