ABŞ-nin nəhəng maliyyə qurumları olan "Morgan Stanley" və "Goldman Sachs"ın analitikləri 2026-cı ildə dünya üzrə neft qiyməti proqnozlarını kəskin şəkildə aşağı salıblar.
Oxu.Az-ın xəbərinə görə, bu barədə "Bloomberg" agentliyi məlumat verib.
Maliyyəçilərin gözləntilərinə görə, ilin sonuna qədər birjada "Brent" markalı neftin orta qiyməti bir barel üçün 80 dollar təşkil edəcək. Əvvəlki proqnoz isə 90 dollar səviyyəsində bir göstəricini nəzərdə tuturdu. Beləliklə də, qiymətləndirmə 10 dollar azaldılıb.
Hörmüz boğazının açılması və Yaxın Şərq neftinin əlavə partiyalarının qlobal enerji bazarına axını kotirovkaların (qiymətlərin) daha sürətli düşməsinə səbəb olacaq. Ekspertlər izah ediblər ki, vəziyyətə, həmçinin Fars körfəzi ölkələrində hasilatın tədricən bərpası da təsir edəcək.
"Goldman Sachs" iyul ayının sonuna qədər Yaxın Şərqdən xammal ixracının tam şəkildə bərpa olunacağını proqnozlaşdırıb. Analitiklərin gözləntilərinə əsasən, bu amil əmtəə kotirovkalarının daha sürətli azalmasına gətirib çıxaracaq. Regionda neft hasilatına gəldikdə isə, ekspertlərin qiymətləndirmələrinə görə, gələn ilin əvvəlində müharibədən əvvəlki səviyyəyə qayıdacaq.
