Tarpon-Sprinqs şəhərində (Florida ştatı, ABŞ) polisi güllələyiblər.
Oxu.Az xəbər verir ki, USA Today-ın məlumatına görə, şübhəli şəxs saxlanılıb, araşdırma aparılır.
Yaxın vaxtlarda baş verən hadisənin təfərrüatlarının açıqlanacağı mətbuat konfransı keçiriləcək.
Bildirilir ki, polis Çarli Kondeki öldürdükdən sonra, şübhəli şəxs ağ “Hyundai”də qaçaraq, gizlənmək istəyib.
Xatırladaq ki, dekabrın 20-də Nyu-Yorkda iki polis güllələnib. Patrul əməkdaşları Vençzüan Lü və Rafael Ramosu xidməti avtomobildə vurublar.
Qətli törətməkdə şübhəli bilinən şəxs İsmayıl Abdulla Brinsli beləliklə polislərin öldürdüyü afroamerikalıların qisasını almaq istəyib.
Brinsli hadisəni törədildiyi yerin yaxınlığında – başından güllə ilə vurulmuş vəziyyətdə aşkarlanıb.
Onun intihar etdiyi güman olunur.
