ABŞ-nin Pensilvaniya ştatının səmasında yüngülmühərrikli "Cessna 150" təyyarəsi ilə polisə məxsus helikopter toqquşub.
Oxu.Az xəbər verir ki, bu hadisə barədə ABŞ-nin Federal Mülki Aviasiya İdarəsi məlumat yayıb.
"Cessna 150" markalı təyyarə və "Bell 407" helikopteri yerli vaxtla təxminən saat 19:50-də (Bakı vaxtı ilə 03:50 - red.) Pensilvaniyanın Karlayl bölgəsində hava məkanında toqquşub. Helikopterdə iki nəfər olub. Təyyarənin göyərtəsində neçə nəfərin olduğu hələlik məlum deyil", - deyə idarənin "X" hesabında məlumat verilib.
Yerli KİV-lərin məlumatına görə, ştat polisinə aid olan "Bell 407" helikopteri Karlayldakı hava limanına yaxınlaşarkən uçuş-eniş zolağının üzərində dövrə vuran yüngülmühərrikli təyyarə ilə toqquşub.
Qaynar xətt:
(055) 224 12 12
