ABŞ-də USAID-in qərargahı 11 milyon dollar qənaət etməyə imkan yaratdı

ABŞ Beynəlxalq İnkişaf Agentliyinin (USAID) binasına yaxın aylarda Federal Ticarət Komissiyasının (FTK) işçiləri köçürüləcəklər.

Oxu.Az-ın məlumatına görə, bu barədə "Bloomberg" agentliyi mənbələrinə istinadən xəbər verib.

Bildirilir ki, bu göstəriş ABŞ Hökumətinin Effektivlik Departamentindən (DOGE) gəlib.

Qeyd olunur ki, FTK-nın qərargahı USAID binasından bir neçə məhəllə aralıda yerləşir, lakin DOGE-nin hesablamalarına görə, FTK-nın hazırkı binasının icarə müqaviləsinin yenilənməsindən imtina etmək ABŞ hökumətinə 11 milyon dollardan çox qənaət etməyə imkan verəcək.

O da xatırladılır ki, 2013-cü ildə Federal Ticarət Komissiyasının köçürülməsi ABŞ hökumətinə 75 milyon dollara başa gəlib.