Vaşinqton Rusiya xarici işlər naziri Serqey Lavrovun, "ABŞ hökumətinin Qərb dövlətlərini şantaj yolu ilə rusiyalı diplomatları qovmağa vadar etməsi" haqqında bəyanatının “gülməli” olduğunu bildirib.
Oxu.Az RT-yə istinadən xəbər verir ki, bu barədə dövlət departamentində keçirilən brifinqdə qurumun mətbuat xidmətinin rəhbəri Hizer Nauert açıqlama verib.
“Bu kampaniya Britaniya torpağında britaniya vətəndaşı və onun qızına qarşı sui-qəsdə cəhddən sonra Böyük Britaniya hökuməti tərəfindən başlanılıb. Bir çox ölkələr kimi ABŞ-da bunu dəstəkləyib və öz müttəfiqinə həmrəylik nümayiş etdirib. (Lavrovun) həmin bəyanatı sadəcə gülməlidir” deyə Nauert bildirib.
F.M.
www.oxu.az
