Pentaqon rəhbəri Pit Heqset bildirib ki, ABŞ ordusu İrana qarşı keçirilən əməliyyatlarda artıq siyasi cəhətdən düzgün hesab edilən "müharibə qaydalarına" tabe olmayacaq.
Oxu.Az xəbər verir ki, o bu qaydaların keçmişdə onların hərəkətlərini məhdudlaşdırdığını hesab edir.
"Keçmişin axmaq, siyasi cəhətdən düzgün hesab edilən müharibələri burada etdiyimizin tam əksi idi. Onların qeyri-müəyyən məqsədləri və məhdudlaşdırıcı, minimalist döyüş qaydaları var idi. Bu, artıq baş verməyəcək. Prezident və mənim tərəfimdən verilən səlahiyyətlər maksimum dərəcədə istifadə olunur", - deyə Heqset bildirib.
Qeyd edək ki, martın 4-də Pentaqon rəhbəri hərbi əməliyyatın yeni mərhələsinin başladığını elan edib. Onun sözlərinə görə, məqsəd İran hava məkanı üzərində tam nəzarəti ələ keçirməkdir.
