Kaliforniya başda olmaqla 20 ştat ABŞ Prezidenti Donald Trampın Administrasiyasına qarşı məhkəməyə müraciət edib.
Oxu.Az xəbər verir ki, bu barədə Kaliforniya ştatının baş prokuroru Rob Bontanın mətbuat xidməti məlumat yayıb.
Bildirilir ki, Kaliforniyanın baş prokuroru Rob Bonta bu gün bir neçə ştatdan ibarət koalisiyaya rəhbərlik edərək ABŞ Səhiyyə Nazirliyinə qarşı məhkəmə iddiası qaldırıb. İddia Daxili Təhlükəsizlik Nazirliyinə, o cümlədən, Miqrasiya Xidmətinə (ICE) vətəndaşların şəxsi tibbi məlumatlarına məhdudiyyətsiz giriş icazəsi verilməsi qərarına etiraz məqsədi daşıyır.
İddiada qeyd olunur ki, bu cür kütləvi məlumat ötürülməsi ABŞ-nin məxfilik qanunlarını pozur və insanları zəruri tibbi yardıma müraciət etməkdən çəkindirə bilər.
