Amerika Birləşmiş Ştatları Ukrayna üçün yeni bir sülh planı hazırlayır.
Oxu.Az xəbər verir ki, bu barədə Ukrayna rəsmilərinə istinad edən "The Economist" nəşri yazıb.
Müzakirə olunan təkliflərə əsasən, Donbasda demilitarizasiya olunmuş zona yaradıla, Kiyev isə NATO-ya qatılmaqdan imtina edə bilər.
Bunun əvəzində Ukraynaya sərmayələrin cəlb olunması və Avropa İttifaqına üzvlük perspektivləri vəd edilir. Rusiya isə bu plan çərçivəsində məhdudiyyətlərin azaldılmasına, Qərb ölkələri ilə əlaqələrin normallaşmasına və ABŞ ilə irimiqyaslı iqtisadi müqavilələrə ümid edə bilər.
Həmçinin layihədə Rusiya qazının Avropaya ixracının yenidən başlanması, o cümlədən "Şimal axını" qaz boru kəmərinin fəaliyyətinin bərpa edilməsi nəzərdə tutulur.
Qaynar xətt:
(055) 224 12 12
