ABŞ Konqresinin aşağı palatasının spikeri Pol Rayan Rusiyaya qarşı yeni sanksiyaları nəzərdən keçirməyə hazır olduğunu bəyan edib.
Bu barədə Oxu.Az “RİA Novosti”yə istinadla xəbər verir.
“Əgər Beynəlxalq işlər üzrə, Maliyyə və Senatın bank məsələləri üzrə komitələr Rusiyaya qarşı hələ tətbiq etmədiyimiz sanksiyaların olduğunu hesab edirlərsə, mən onları nəzərdən keçirməyə şad olacam”, - Rayan jurnalistlərə deyib.
Daha öncə Konqresin yuxarı palatasında demokratik azlığın lideri Çak Şumer respublikaçıları birləşməyə və Rusiyaya qarşı əlavə sanksiyalar tətbiq etməyə çağırmışdı.
