ABŞ Türkiyəni sanksiyalarla təhdid etdi

ABŞ-ın vitse-prezidenti Mayk Pens Türkiyədə ev dustaqlığında olan amerikalı rahib Endryü Bransonun tam azad olunmasını tələb edib.

Oxu.Az-ın verdiyi xəbərə görə, Pens deyib ki, din xadiminin azad edilməyəcəyi təqdirdə, Türkiyəyə qarşı sanksiya tətbiq olunacaq. 

“Branson azad edilməyəcəyi təqdirdə ABŞ Türkiyəyə ciddi sanksiyalar tətbiq edəcək”, - Vaşinqtonda dini azadlıqlara həsr edilən forumda çıxış edən vitse-prezident bildirib.

Pens qeyd edib ki, Bransonun ev dustaqlığına keçirilməsini alqışlayırlar, ancaq bu, kifayət deyil:
“Rahib Bransonu dərhal azad edin, əks təqdirdə bunun acı nəticələrini dadacaqsınız”, - Pens deyib. 

Qeyd edək ki, iyulun 25-də İzmir 2-ci Ağır Cəza Məhkəməsinin qərarı ilə Endryü Branson haqqında həbs tədbiri ev dustaqlığı ilə əvəzlənib.

O, Türkiyədə 15 iyul hərbi çevriliş cəhdindən sonra İzmirdə həbs olunub. 

www.oxu.az