ABŞ Ukraynaya hərbi və kəşfiyyat dəstəyini davam etdirəcək

"Vaşinqton administrasiyası Kiyevə müdafiə xarakterli kəşfiyyat məlumatlarını ötürməyə davam edəcək".

Oxu.Az TASS-a istinadən xəbər verir ki, bunu Ağ Evin mətbuat katibi Karolin Livitt jurnalistlər üçün keçirilən müntəzəm brifinqdə bildirib.

Onun sözlərinə görə, ABŞ Prezidenti Donald Tramp Volodimir Zelenskinin hava hücumundan müdafiə üçün əlavə vasitələrinin təqdim edilməsi ilə bağlı xahişinə müsbət cavab verib. Qeyd olunub ki, Zelenski əlavə hava hücumundan müdafiə vasitələrinin, "xüsusilə Patriot"un təqdim edilməsini xahiş edib.

Tərəflər Səudiyyə Ərəbistanında ekspert qruplarının görüşü üçün razılığa gəliblər. Həmçinin Ukrayna ilə minerallarla bağlı sazişin də gündəmdə qaldığı vurğulanıb. Bununla yanaşı, liderlər Ukrayna atom elektrik stansiyalarının ABŞ-nin mülkiyyətinə verilməsi barədə də fikir mübadiləsi aparıblar.