ABŞ və Çin arasında məhbus mübadiləsi baş tutub

Vaşinqton və Pekin məhbusları üçə üç prinsipi ilə dəyişdiriblər.

Oxu.Az xəbər verir ki, bu barədə "Politico" qəzeti Ağ Ev nümayəndəsinə istinadən məlumat yayıb.

Məlumata görə, Çində cəza çəkən üç amerikalı - David Suidan, Kay Li və Con Lyunq ABŞ-də həbsxanalarda saxlanılan adı açıqlanmayan üç Çin vətəndaşı ilə dəyişdirilib.

Qeyd edilib ki, mübadilə Ağ Ev və Dövlət Departamentinin nümayəndələri ilə çinli həmkarları arasında uzun illər aparılan danışıqlar nəticəsində baş tutub.