ABŞ-nin Merilend ştatının dairə məhkəməsi Donald Trampın prezident fərmanının icrasının dayandırılması barədə qərar qəbul edib. Sözügedən sənəd ölkə ərazisində doğulmağa görə ABŞ vətəndaşlığının əldə edilməsinə məhdudiyyətlərin tətbiqini nəzərdə tuturdu.
Oxu.Az-ın "Komsomolskaya Pravda"ya istinadən verdiyi xəbərə görə, prezident qərarının icrasına qoyulan qadağa əsas vəzifəli şəxslərə - dövlət katibinə, baş prokurora, daxili təhlükəsizlik nazirinə, eləcə də bu qurumların bütün nümayəndələrinə və işçilərinə şamil edilir.
Xatırladaq ki, avqust ayında ABŞ lideri "doğuş turizmi" adlandırılan halların qarşısını almağa yönəlmiş xüsusi fərman imzalayıb. Bu, uşağın Amerika vətəndaşlığı alması üçün yalnız doğuş məqsədilə ABŞ-yə gəlmək təcrübəsinə aid idi.
Bundan əlavə, ABŞ Ali Məhkəməsi avqustda yazıçı Elizabet Cin Kerrolla 5 milyon dollar təzminat ödənilməsi barədə məhkəmə aktının ləğvi ilə bağlı Trampın vəsatətini ardıcıl olaraq ikinci dəfə rədd edib.
