Avropa İttifaqı (Aİ) ölkələrinin 47.5 milyon sakini evlərinin isidilməsinə görə xərcləri özləri müstəqil surətdə ödəyə bilmir, söhbət Aİ əhalisinin 10 faizindən gedir.
Oxu.Az xəbər verir ki, bu barədə "Euractiv" portalı Avropa Həmkarlar Konfederasiyasının hesablamalarına istinadla məlumat paylaşıb.
Bildirilir ki, bu cür vəziyyət Aİ-də isitməyə görə qiymətlərin artması və Avropa İttifaqı ölkələrinin ehtiyacı olan sakinləri üçün dövlət dəstək tədbirlərinin həcminin azalması səbəbindən yaranıb.
Belə ki, 2019-cu ildə isitməyə görə xərclərin ödənilməsində 30.8 milyon avropalı problemlərlə üzləşdiyi halda, 2023-cü ilin nəticələrinə görə onların sayı 50 faiz artıb.
