Aleksey Navalnı 3,5 il müddətinə şərti olaraq azadlıqdan məhrum edilib

Moskvanın Zamoskvoreski məhkəməsi dekabrın 30-da “İv Roşe” işi üzrə qərar qəbul edib, Oxu.Az “İnterfaks”a istinadən xəbər verir.

Aleksey və Oleq Navalnı qardaşları “İv Roşe” şirkətinin pul vəsaitini qarət etməkdə ittiham edilirlər. Məhkəmənin qərarına müvafiq olaraq Aleksey Navalnı 3,5 il şərti olaraq, Oleq isə 3,5 il müddətinə azadlıqdan məhrum ediliblər.

Şərti azadlıqdan məhrum etmə cəzasından başqa, Aleksey Navalnı 500 min rubl məbləğində cərimə edilib. Bundan başqa, o, həmçinin “Mnoqoprofilnaya proesesinqovaya kompaniya” firmasının iddiası üzrə 4,8 milyon rubl da cərimə ediləcək.

Navalnı qardaşları fırıldaqçılıqda, öz vəzifələrindən sui-istifadə edərək bir qrup şəxs tərəfindən öncədən əlbir olaraq böyük məbləğdə pulun mənimsənilməsində, eləcə də qanuniləşdirilməsində ittiham edilirlər.

İstintaqın versiyasına görə, Navalnı qardaşları “2008-ci ildən 2013-cü ilə qədər fırıldaqçılıq yolu ilə “İv Roşe Vostok” şirkətinin 26,7 milyon məbləğində pulunu, eləcə də “Mnoqoprofilnaya proesesinqovaya kompaniya” firmasının 4,4 milyon rubl məbləğində pulunu qarət ediblər”.

Dekabrın 15-də Navalnı məhkəmədə ona qarşı irəli sürülən ittihamları “əvvəldən sona qədər saxta” adlandırıb.

www.oxu.az