“Alibaba”nın itkin düşən yaradıcısı ilə bağlı görüntü gündəm oldu - VİDEO

Alibabanın yaradıcısı Cek Manın müəmmalı şəkildə itkin düşdüyünə dair iddialardan sonra milyarderin taleyi ilə bağlı video sosial şəbəkələrdə gündəm olub.

Bu barədə “HaberGlobal” xəbər yayıb.

2014-cü ildə korrupsiya iddialarının təfərrüatlarını açıqlamaq üçün Çindən qaçan Qu Venqui, 2019-cu ildə maliyyə video kanalı “Real Vision”da çıxışında Manın öldürüləcəyi və ya həbsə atılacağı ilə bağlı proqnozlar vermişdi.

Onun sözlərinə görə, milyarderin “Ant Group” şirkəti ölkənin bank sisteminə meydan oxuyur və Çin üçün böyük problem yaradır.

“Alibaba”nın itkin düşən yaradıcısı ilə bağlı görüntü gündəm oldu - VİDEO

Qeyd edək ki, Ma oktyabr ayında Çində bazar tənzimləyicilərini və dövlət banklarını tənqid etdikdən sonra müəmmalı şəkildə yoxa çıxmışdı. Bundan bir həftə sonra Çin hökuməti “Ant Group” (Manın fintex şirkəti) listinqini dayandırdı. Paralel olaraq “Alibaba Group”a qarşı antitrest istintaqı başlatdı.