Almaniyanın cənub-qərbindəki Bad-Dürrhaym şəhəri yaxınlığında baş verən kütləvi toqquşma nəticəsində "Riderman" velosiped yarışının 70-ə yaxın iştirakçısı xəsarət alıb.
Oxu.Az xəbər verir ki, bu barədə DPA agentliyi məlumat yayıb.
Məlumata görə, hadisə zamanı azı 20 nəfər ağır yaralanıb. Bütövlükdə 55 nəfər xəstəxanalara çatdırılıb. Digər qəza iştirakçıları yüngül zədə alıblar.
Zərərçəkənlərin dəqiq sayı hələlik açıqlanmayıb.
