Almaniyanın Münhen şəhərinin şimalında valideynlərinin evini yandıran şəxs atasını güllələyib və anasını yaralayıb.
Oxu.Az-ın xəbərinə görə, bu barədə "Bild" nəşri məlumat yayıb.
Nəşrin məlumatına görə, qonşular tərəfindən polisə göndərilən məktub cinayətin miras məsələsi ilə bağlı kəskinləşən mübahisənin nəticəsi olduğuna dair şübhələr yaradıb.
Almaniyanın Münhen şəhərində baş verən partlayışın səbəbi məlum olub.
Oxu.Az-ın xəbərinə görə, bu barədə "Bild" qəzeti mənbələrə istinadən məlumat yayıb.
Məlumata görə, bir kişi valideynlərinin evində partlayış törədib.
Qəzetin yazdığına görə, kişi ehtimal ki, valideynlərinin evini partlayıcı qurğularla minalayıb, sonra isə evi yandırıb. Həmçinin hadisə yerində üzərində güllə yaraları olan daha bir cəsəd də tapılıb.
Partlayışdan sonra kişi özü də hadisə yerində ölüb, onun cəsədi hüquq-mühafizə orqanları tərəfindən aşkarlanıb.
Almaniyanın Münhen şəhərinin Lerxenauer-ştrass küçəsində atışma və partlayışlar baş verib.
Oxu.Az-ın xəbərinə görə, bu barədə "Bild" nəşri məlumat verib.
Məlumata görə, oktyabrın 1-də səhər saatlarından etibarən Münhenin şimalında genişmiqyaslı polis və yanğınsöndürmə əməliyyatları aparılır. Hadisə yerində, həmçinin xüsusi təyinatlılar və partlayıcı qurğuların zərərsizləşdirilməsi üzrə mütəxəssislər də işləyirlər.
Bildirilib ki, şəhərdə bir neçə partlayış baş verib, eyni zamanda, atışma səsləri eşidilib.
Nəşrin jurnalistlərinin məlumatına görə, üzərində güllə yaraları olan bir kişinin və daha bir şəxsin cəsədi aşkarlanıb. Cinayətin dəqiq başvermə şəraiti hələlik məlum deyil, lakin bütün əlamətlər qətlin affekt vəziyyətində törədildiyini göstərir.
Polis geniş ərazini mühasirəyə alıb, sakinlərə və sürücülərə ərazidən uzaq durmağı və ya ətrafından keçməyi tövsiyə edir.
