ABŞ-nin "Amazon.com Inc." şirkəti "Amazon Fresh" ərzaq dükanlarını və avtomatlaşdırılmış, addım məsafəsində yerləşən "Amazon Go" mağazalarını bağlayacağını açıqlayıb.
Oxu.Az xəbər verir ki, bu barədə şirkətin bloqunda bildirilib.
Məlumata görə, "Amazon" diqqətini ərzaq məhsullarının onlayn sifarişlə çatdırılmasına və təbii məhsullara yönəlmiş daha premium "Whole Foods Market" şəbəkəsinin genişləndirilməsinə yönəldəcək. Bağlanan bəzi ticarət obyektləri şirkətin digər mağazalarına çevriləcək.
Şirkət yaxın bir neçə il ərzində 100-dən çox yeni "Whole Foods" mağazası açmağı planlaşdırır. "Amazon" bu şəbəkəni 2017-ci ildə təxminən 13,5 milyard dollara satın alıb.
