“Amazon” üzərində ərəbcə yazı olan döşəmələri satışdan çıxardı

“Amazon” üzərində ərəb xəttatlığı ilə “Quran”dan ayələr yazılan hamam əşyalarını satışdan çıxarıb.

Oxu.Az xəbər verir ki, Amerika-İslam əlaqələri şurasının verdiyi məlumata görə, dünyanın bir nömrəli pərakəndə satıcısı daha çox müsəlmanların alıb istifadə etdiyi hamam əşyalarının satışını dayandırır.

Bu əşyalar, əsasən, hamam otaqları üçün kiçik ayaqaltı döşəmələrdən ibarətdir və onların üzərinə ərəbcə “Bağışlayan və Mehriban Allahın adı ilə” yazıları yazılıb.

Amerika-İslam əlaqələri şurasının icraçı direktoru Nihad Avad “Amazon”a bu addıma görə öz təşəkkürünü bildirib.