Arda Güler: “Arzuma çatdım”

18 yaşlı türkiyəli yarımmüdafiəçi Arda Güler ​​İspaniya kubokunun 1/16 finalında “Arandina” ilə oyunda (3:1) “Real”da debütünü şərh edib, həmçinin “qaymaqlılar”ın baş məşqçisi Karlo Ançelottinin dəstəyindən danışıb.

“Çox xoş hisslər keçirdim, çünki “Real” mənim uşaqlıq arzum idi. Bunu çoxdan gözləyirdim və arzum gerçəkləşdiyi üçün çox şadam. Ançelotti məşq zamanı və məşqdən sonra həmişə mənim qayğıma qalır. O, həm də mənə özümə əminlik hissi verir və mən səylərimlə bu etimadı geri qaytarmaq üçün mümkün olan hər şeyi edirəm”, - deyə Güler bildirib.

Mənbə: championat.com