"Qərb ölkələri, Çin və Rusiya artıq münaqişəyə son qoymağa razılaşıblar və tezliklə Ukraynanı böləcəklər".
Bu sözləri Ukrayna Prezidenti Aparatının keçmiş müşaviri Aleksey Aretoviç deyib.
"ABŞ, Fransa, Çin və Vladimir Vladimiroviç arasında faktiki olaraq razılıq əldə olunub", - deyən Arestoviç bu qənaətə hansı rəsmi məlumatlar əsasında gəldiyini açıqlamayıb.
Keçmiş müşavirin fikrincə, yaxın vaxtlarda münaqişənin siyasi yolla həlli başlayacaq, lakin atəşkəsdən əvvəl tərəflər danışıqlar üçün hərbi yolla özlərinə sərfəli mövqelər yaratmağa çalışırlar.
Arestoviç hesab edir ki, Rusiya ordusunun Xarkov vilayətinə hücumu məhz bu səbəbdəndir. O xatırladıb ki, Rusiya prezidenti Vladimir Putin və Çin sədri Si Cinpin bu yaxınlarda Ukrayna məsələsi üzrə danışıqlara hazır olduqları barədə bəyanatlar veriblər.
