Arestoviç: “Sonuncu dəfə Dneprdəki bəndləri geri çəkilən nasist qoşunları partladıb” - FOTO

“Kaxovka Su Elektrik Stansiyasının (SES) partladılması onu göstərir ki, Rusiya tərəfi sol sahil olan Xerson vilayətini saxlamaq variantını nəzərdən keçirmir”.

Bu barədə ukraynalı siyasətçi, bloqer və hərbi müşahidəçi Aleksey Arestoviç bəndin partladılmasını şərh edərkən bildirib.

“Bu partlayış nəticəsində Krımın əhəmiyyətli miqdarda sudan məhrum edilməsi artıq belə bir sual doğurur: Onlar Krımı saxlamağı ciddi şəkildə düşünürlərmi? Dneprdəki bəndlər bundan əvvəl 1943-cü ildə geri çəkilən nasist qoşunları tərəfindən partladılmışdı.

Daha bir məsələ Zaporojye AES-ə su təchizatıdır, lakin mütəxəssislər hələlik bunun öhdəsindən gələ biləcəklərinə əmindirlər - stansiyanın ayrıca soyuducu hovuzu var və hələlik orada kifayət qədər su var”, - deyə o yazıb.

Arestoviçin fikrincə, hərbi nöqteyi-nəzərdən SES-in sıradan çıxarılması Ukrayna qoşunlarının Xerson vilayətindəki adalar sistemi vasitəsilə Dnepr çayını keçməyinin qarşısını almaq cəhdindən başqa bir şey deyil.

“İdeya qəribədir, nəzərə alsaq ki, biz onsuz da ora çoxlu sayda qoşun köçürə bilməzdik - bu, texniki cəhətdən çətindir. Amma görünür, hətta az sayda qoşun da artıq Rusiya komandanlığı üçün ciddi problemdir. Onlar cinahlarını bağlamaq və diqqətlərini Melitopol-Cankoy xəttinin müdafiəsinə yönəltmək istəyirlər və bunu ötən ilin payızından Dnepr çayının sol sahilində intensiv istehkamlar qazmalarına rəğmən ediblər. Geri çəkilərkən torpaq yandırma taktikası, böyük infrastruktur obyektlərinin məhv edilməsi və ekosid yaratmaları barədə isə danışmıram - bu, çox açıqdır”, - deyə siyasətçi  sözlərini yekunlaşdırıb.

- Подрыв путиноидами Новокаховской ГЕС показывает, что вариант удержания Левобережной Херсонщины они для себя не рассматривают.

Лишение Крыма значительного объема воды в результате этого подрыва - ставит уже вопрос о том - рассматривают ли они всерьез удержание Крыма?

Последний…

— Arestovych (@arestovych) June 6, 2023