Avropa ABŞ rüsumlarına qarşı cavab tədbirləri görməyə başlayıb. Bununla bağlı Avropa Komissiyası məlumat yayıb.
Oxu.Az xəbər verir ki, cavab tədbirləri zamanı ABŞ-dan ixrac olunan illik 2,8 milyard dollar dəyərində mallara rüsum tətbiq ediləcək.
Bu, nəinki metallurgiya məhsullarına, həmçinin kənd təsərrüfatı və digər mallara aid ediləcək. Məhdudiyyətlər iyunun 22-də qüvvəyə minəcək.
Avropa Komissiyası xəbərdarlıq edib ki, bu, ABŞ-ın rüsumlarına ilk cavabdır.
ABŞ iyunun 2-dən alüminium idxalına 10, polad idxalına 25 faiz rüsum tətbiq edib.
