İndoneziyanın Bali adasında daşqınlar nəticəsində azı altı nəfər ölüb.
Oxu.Az-ın xəbərinə görə, bu barədə "Reuters" məlumat yayıb.
Daşqınlara adada aramsız yağan yağışların səbəb olduğu qeyd edilir. Eyni zamanda iki binanın uçması nəticəsində dörd nəfər həlak olub, 85 nəfər isə Cimbaran bölgəsində təxliyə edilib.
Nəşrin məlumatına görə, adanın beynəlxalq hava limanına girişi məhdudlaşdırılıb.
İndoneziyanın Bali adasında güclü yağış daşqınlara və dağıntılara səbəb olub.
Oxu.Az-ın xəbərinə görə, bu barədə Detik.news nəşri yerli hakimiyyət orqanlarına və hadisə şahidlərinə istinadən məlumat verib.
Nəşrin məlumatına görə, leysan adanın paytaxtı Denpasarı və ətraf əraziləri su altında qoyub. Fövqəladə hal yolların bağlanmasına, infrastrukturun dağılmasına və onlarla yaşayış binasının su altında qalmasına səbəb olub.
"Bu, ən güclü daşqındır, çünki dünən səhərdən bu gün səhərə qədər yağan yağış subasmaya səbəb olub", - deyə yerli sakin İ Vayan Pika jurnalistlərə bildirib. Onun sözlərinə görə, bəzi ərazilərdə suyun səviyyəsi yaşlı insanın ortasına qədər çatıb.
Təbii fəlakətə səbəb ötən gün səhər saatlarında başlayan və bu gün səhərə qədər davam edən aramsız yağış olub. Ən çox zərər çəkən küçələrdə sel suları əsas yoldan alçaqda yerləşən evləri və kommersiya binalarını basıb. "Telegram" kanallarında yayımlanan videolarda suyun avtobus dayanacaqlarını və kommunikasiya xətti dirəklərini yuyub apardığı əks olunub. Bir neçə magistral yolda daşqın səbəbindən hərəkət mümkünsüz olub.
Qeyd edək ki, İndoneziya mütəmadi olaraq təbii fəlakətlərlə üzləşir.
