Dmitri Peskov çətin sual qarşısında: Bayden administrasiyası Putini öldürməyə çalışıb?

Rusiya Prezidentinin mətbuat katibi Dmitri Peskov ABŞ-li jurnalist Taker Karlsonun Co Bayden administrasiyasının Vladimir Putini öldürməyə cəhd etməsi barədə sözlərinə münasibət bildirib.

Oxu.Az bu barədə glavny.tv-yə istinadən məlumat verir.

O, Karlsonun ABŞ-nin keçmiş prezidentinin planları ilə bağlı bəyanatı haqqında birbaşa danışmaqdan imtina edib.

"Rusiya xüsusi xidmət orqanları ictimai təhlükəsizliyin və dövlət mühafizəsində olan şəxslərin, ilk növbədə dövlət başçısının təhlükəsizliyinin təmin edilməsi üçün bütün zəruri tədbirləri daimi əsasda həyata keçirir", - deyə Rusiya prezidentinin sözçüsü qeyd edib.

Dmitri Peskov çətin sual qarşısında: Bayden administrasiyası Putini öldürməyə çalışıb?

10:40

Amerikalı jurnalist Taker Karlson ABŞ hakimiyyətinin Co Baydenin prezidentliyi dövründə Rusiya lideri Vladimir Putini öldürməyə cəhd etdiyini iddia edib.

Oxu.Az-ın TASS-a istinadla verdiyi məlumata görə, bu barədə tanınmış jurnalist həmkarı Mett Taibbi ilə söhbətində bildirib.

Karlsonun sözlərinə görə, Vaşinqtonun bu cür "dəli siyasəti" ABŞ-nin keçmiş administrasiyası üçün xaosdan qoruyucu ekran olub.

"Bayden administrasiyası Putini öldürməyə çalışıb", - deyə o qeyd edib.

Karlson öz versiyasının xeyrinə heç bir təfərrüat və ya arqument gətirməyib. Amerikalı jurnalistin fikrincə, belə niyyətlər dəlilikdir.

Onun sözlərinə görə, Bayden dövründə dövlət katibi vəzifəsində çalışan Antoni Blinken son iki ay ərzində ABŞ və Rusiya arasında müharibəni sürətləndirmək üçün əlindən gələni edib.