Portuqaliyanın "Benfika" klubunun baş məşqçisi Brunu Laji UEFA Çempionlar Liqasında "Qarabağ"a qarşı keçiriləcək oyun barədə fikirlərini bildirib.
Oxu.Az Abola.pt portalına istinadən xəbər verir ki, portuqaliyalı mütəxəssis ölkə çempionatında "Santa Klara" ilə heç-heçə etdikləri (1:1) oyundan sonra fikirlərini mətbuatla bölüşüb.
"Artıq toparlanmalı və bütün diqqətimizi növbəti qarşılaşmaya yönəltməliyik. Sentyabrın 16-da doğma meydanda qələbə qazanmalıyıq. Azarkeşlərimizə müraciət edirəm: bizi dəstəkləməyə davam edin, Çempionlar Liqası matçında da burada olun, çünki turnirdə yaxşı mövsüm keçirməli və qalibiyyətlə başlamalıyıq", - deyə 49 yaşlı mütəxəssis qeyd edib.
Qeyd edək ki, "Benfika" - "Qarabağ" oyunu sentyabrın 16-da, Bakı vaxtı ilə saat 23:00-da start götürəcək.
