Berlində ruhi xəstə yoldan keçənlərə bıçaqla hücum etdi - Yaralılar var

Almaniyanın paytaxtı Berlində ruhi xəstə olduğu təxmin edilən şəxs yoldan keçənlərə bıçaqla hücum edib. Bir neçə nəfər yaralanıb.

Oxu.Az xəbər verir ki, bu barədə "Bild" qəzeti məlumat yayıb.

Qeyd olunur ki, iki zərərçəkənin vəziyyəti ağır qiymətləndirilir. Kişi qabağına keçən hər kəsə hücum edib. Yoldan keçən bir neçə nəfər onun əl-qolunu buraraq, polis gələnə qədər onu saxlaya biliblər.

Hüquq-mühafizə orqanlarının əməkdaşları şübhəli şəxsi tutublar. Bildirilir ki, bu, terror aktı və ya islam motivləri ola biləcək cinayət deyil.

İlkin məlumata görə, kişi ruhi xəstədir.