Suriya müxalifət döyüşçüləri keçmiş Prezident Bəşər Əsədin sarayını ələ keçirərkən otaqların birində psixi xəstəliklərin müalicəsi üçün həblər tapıblar.
Oxu.Az-ın verdiyi məlumata görə, bu barədə "New York Times" məlumat verir.
Bildirilir ki, tapılan dərmanlar arasında həkimlərin yuxusuzluq və təşviş pozğunluqlarının müalicəsi üçün təyin etdiyi benzodiazepin var.
Həmçinin, sarayda Əsədin kitabları tapılıb, onların arasında onun öz avtobioqrafiyası və Rusiya Silahlı Qüvvələrinin tarixi var.
Xatırladaq ki, dekabrın 8-nə keçən gecə müxalifət qrupları Dəməşqi ələ keçiriblər. Suriya ordusunun komandanlığı Əsədin hakimiyyətinin başa çatdığını elan edib. Keçmiş prezidentin özü isə ölkəni tərk edərək sığınacaq aldığı Rusiyaya gedib.
