Blinken Konqresə ifadə verməyə çağırıldı

ABŞ Dövlət katibi Antoni Blinken ABŞ Nümayəndələr Palatasının beynəlxalq məsələlər komitəsinə çağırılıb, burada o, ABŞ qoşunlarının Əfqanıstandan çıxarılması barədə ifadə verməlidir.

Oxu.az-ın məlumatına görə, bu barədə "Fox News" telekanalı komitə sədri Maykl Makkola istinadən məlumat verir.

Çağırış 19 sentyabr tarixinə təyin edilib. Dövlət Departamentindən bildirilib ki, həmin gün Blinken məşğul olacaq və alternativ variantlar təklif ediblər. Eyni zamanda, əgər dövlət katibi çağırışda göstərilən tarixdə komitəyə gəlməsə, onu konqresə hörmətsizlikdə ittiham edəcəklər. Bildirilir ki, daha əvvəl Blinken guya bu məsələ ilə bağlı komitə qarşısında çıxış etməkdən imtina edib.

Xatırladaq ki, ABŞ hərbi qüvvələri Əfqanıstanı tərk edib və Pentaqonun rəsmi nümayəndəsi general Kennet Makkenzi 2021-ci ilin avqustunda Kabuldan insanların təxliyəsi əməliyyatının başa çatdığını bəyan edib.