BMT-nin Nyu-Yorkdakı mənzil-qərargahında Suriyanın yeni bayrağının qaldırılması mərasimi keçirilib.
Bu barədə Oxu.Az TASS-a istinadən xəbər verir.
Tədbirdə Suriya keçid hökumətinin xarici işlər naziri Əsaad Həsən Əş-Şibani, onlarla diplomat, BMT-nin əməkdaşları və media nümayəndələri iştirak ediblər.
Suriya müxalifətinin 2011-ci ildən bəri istifadə etdiyi yaşıl, ağ və qara rəngli üç qırmızı ulduzlu bayrağın qaldırılmasını alqışlamaq üçün yeni Suriya hökumətinin onlarla tərəfdarı qərargahın yaxınlığında toplaşıb.
