Britaniya baş nazirinin milyonluq evində yanğın baş verib

London polisi mayın 12-də Böyük Britaniyanın Baş naziri Kir Starmerin evində baş verən yanğınla bağlı araşdırmalara başlayıb.

Oxu.Az "The Times" nəşrinə istinadla xəbər verir ki, mayın 12-i gecə saatlarında dəyəri iki milyon funt-sterlinq olan evdə yanğın baş verib.

Bildirilir ki, yanğın evin qapısına ziyan vurub, xəsarət alan yoxdur. Yanğının nədən baş verdiyi açıqlanmır.

Britaniya baş nazirinin şəxsi evi dəfələrlə narazı insanların hədəfinə çevrilib.

K.Starmer baş nazir olduqdan sonra həyat yoldaşı ilə birlikdə Britaniya hökumət başçısının Dauninq-stritdəki rəsmi iqamətgahında yaşayır.