Böyük Britaniyanın sabiq xarici işlər naziri Boris Conson 25 illik nikahdan sonra həyat yoldaşı ilə ayrılıb. Cütlük artıq bir neçə aydır ayrı yaşayır və buna səbəb kimi Consonun xəyanətləri göstərilib.
Oxu.Az xəbər verir ki, bununla bağlı “Daily Mail” məlumat yayıb.
Conson və həyat yoldaşı Marina birgə bəyanat yayaraq, bir neçə ay əvvəl bu qərarı qəbul etdiklərini bildiriblər. Cütlüyün dörd övladı var.
Nəşr bildirib ki, ayrılığa səbəb Consonun xəyanətləri olub. Sabiq nazirin 25 yaşlı qızı Lara əyləncə gecələrindən birində onu “eqoist alçaq” adlandırıb və bildirib ki, anası onunla ayrılıb.
Cütlük artıq iki dəfə Consonun xəyanəti səbəbindən ayrılıblar. Consonun 2004-cü ildə yazıçı Petronella Uayt, 2009-cu ildə isə art məsləhətçi Helen Makintayer ilə sevgi macəraları olub.
2018-ci il iyulun 9-da Conson Britaniyanın xarici işlər naziri vəzifəsindən istefa verib.
