İstanbulda Rusiya və Ukrayna nümayəndə heyətləri arasında baş tutan danışıqlar başa çatıb.
Oxu.Az xəbər verir ki, bu barədə TASS agentliyi məlumat verib.
Məlumatda qeyd olunur ki, görüş bir saatdan çox çəkib. Hələlik görüşün nəticələri barədə ictimaiyyətə məlumat verilməyib.
Türkiyə xarici işlər naziri Hakan Fidan İstanbulda Çırağan Sarayında keçirilən Rusiya və Ukrayna danışıqlarının ikinci raundunda açılış nitqi ilə çıxış edib.
Oxu.Az bu barədə Rusiya KİV-ə istinadən məlumat yayıb.
H.Fidan danışıqların ikinci raundunda atəşkəs şərtlərini, əsir və mülki şəxslərin mübadiləsini müzakirə olunacağını qeyd edib.
Türkiyə rəsmisi həmçinin, iki ölkənin liderlərinin görüşünün hazırlanmasının vacib olduğunu da vurğulayıb.
İstanbulda Rusiya və Ukrayna nümayəndə heyətlərinin görüşünə start verilib.
Oxu.Az bu barədə Rusiya KİV-ə istinadən məlumat yayıb.
Məlumatda qeyd olunur ki, danışıqların ikinci raundu bir saat yarımdan çox gecikmə ilə başlayıb.
Rusiya və Ukrayna nümayəndə heyətləri İstanbulda Ukrayna ilə danışıqların ikinci mərhələsinin keçirildiyi yerə gəliblər.
Oxu.Az-ın xəbərinə görə, bu barədə "RİA Novosti"nin müxbiri məlumat verib.
Ukrayna nümayəndə heyəti Rusiya-Ukrayna danışıqlarının ikinci raundunda iştirak etmək üçün İstanbula gəlib.
Oxu.Az bu barədə Rusiya KİV-ə istinadən məlumat verir.
Xatırladaq ki, Türkiyə Kommunikasiya Departamentindən bildirilib ki, danışıqların Bakı vaxtı ilə saat 14:00-da "Çırağan" sarayında keçirilməsi planlaşdırılır.
Rusiya və Ukrayna nümayəndə heyətləri arasında danışıqların bu gün, iyunun 2-də İstanbulda baş tutacağı gözlənilir.
Oxu.Az-ın xəbərinə görə, Türkiyə Cümhuriyyətinin Kommunikasiya Departamentindən bildirilib ki, danışıqların Bakı vaxtı ilə saat 14:00-da Çırağan sarayında keçirilməsi planlaşdırılır.
Rusiya Xarici İşlər Nazirliyinin rəsmi nümayəndəsi Mariya Zaxarova bəyan edib ki, Rusiya nümayəndə heyəti İstanbula memorandum layihəsi və atəşkəslə bağlı digər təkliflərlə gedəcək.
Xarici İşlər Nazirliyinin rəhbəri Sergey Lavrov bildirib ki, memorandum Rusiya üçün fundamental olan məsələlərə - ilk növbədə, münaqişənin əsas səbəblərinin aradan qaldırılması ilə bağlı mövqeyə əsaslanacaq.
Rusiya Federasiyasından olan nümayəndə heyətinə prezidentin köməkçisi Vladimir Medinski başçılıq edir. Nümayəndə heyətinin tərkibinə xarici işlər nazirinin müavini Mixail Qaluzin, Rusiya Silahlı Qüvvələri Baş Qərargahının Baş Kəşfiyyat İdarəsinin rəisi İqor Kostyukov və Rusiya Federasiyasının müdafiə nazirinin müavini Aleksandr Fomin də daxildir.
Ukraynadan olan danışıqlara müdafiə naziri Rustem Umerov rəhbərlik edir. O, daha əvvəl bildirmişdi ki, Ukrayna memorandumun layihəsini Rusiya tərəfinə təhvil verilib.
Xatırladaq ki, Rusiya-Ukrayna danışıqlarının birinci raundu mayın 16-da İstanbulda baş tutub.
