2026-cı il üzrə "Booker Prize" mükafatının münsiflər heyəti uzun siyahını açıqlayıb. Siyahıya ingilis dilində yazılmış, 1 oktyabr 2025-ci il - 30 sentyabr 2026-cı il tarixləri arasında Böyük Britaniya və İrlandiyada nəşr olunmuş 13 roman daxil edilib.
Oxu.Az "Kommersant"a istinadən xəbər verir ki, namizədlər arasında daha əvvəl "Booker Prize" mükafatına layiq görülmüş iki müəllif də yer alıb.
Bunlar Duqlas Stüart ("Conun oğlu Con") və Marlon Ceymsdir ("Yoxa çıxanlar").
Uzun siyahıya daxil edilən digər əsərlər bunlardır: "Heç vaxt demədiklərimiz" (Elizabet Straut), "Obyektin kölgəsi" (Xloya Aridxis), "İsveçrə" (Emma Klayn), "Hər şeyin sonu" (M.Con Harrison), "Heç yerdən olmayan Yelena" (Makenna Qudman), "Qara çanta" (Lük Kennard), "Yenidənqurma" (Kenan Orhan), "Biz kralı yedirdə bilərikmi?" (Rebekka Perri), "Palma evi" (Qvendolin Rayli), "Bütün o itlər" (Camel Uayt) və "Vivisektorlar" (Missuri Uilyams).
Bu il mükafata 163 müəllif müraciət edib. Qısa siyahı sentyabrın 22-də açıqlanacaq, qalib isə noyabrın 9-da Londonda keçiriləcək mərasimdə elan olunacaq.
Mükafatın qalibi 50 min funt sterlinq (təxminən 66 515 ABŞ dolları) məbləğində pul mükafatı alacaq. Bu il münsiflər heyətinə filoloq və yazıçı Mari Börd sədrlik edir.
